Դեպի կլոնային «կատարելություն»

Մեսիջը շատ կարևոր է էստեղ:

Ինչ ահավորն են էսօր մեզ կենսակերպ թելադրող ստանդարտները: Ինչ-որ հրեշավոր վիճակ է մեզ մոտ:

Շատ խորանալու ու մտածելու թեմա է տալիս: Փաստորեն մեր մեջ ֆաշիստական ընկալումներ են արմատացել:

• Նացիստական Գերմանիայում եվգենիկա կոչվող տեսությամբ հասարակությունից նախածննդյան և հետծննդյան ամենատարբեր մեթոդներով հեռացվում-ոչնչացվում էին մտավոր և մարմնական խեղումներ ունեցողները:Սա ֆաշիզմ էր: Այսօր զարգացած արևմուտքում ընթացող կլոնավորման գիտափորձերը պակաս սարսափելի հեռանկար չեն ուրվագծում: Բոլորին էլ պարզ է, թե ինչպիսին կլինի աշխարհը «կատարյալ» կլոն-մարդու իշխանության տակ: Բայց իրականությունը փաստում է, որ ինչպես եվգենիկան, այնպես էլ կլոնավորումը մեծ հաշվով վաղուց այլևս հաստատված ու կիրառելի են վերարտադրական ու գոյաբանական մեր պատկերացումներում ու քայլերում:

  
  Մենք հիվանդ ու  ներկայիս մոդայիկ բառով ասած՝ անմրցունակ երեխա այլևս չենք հանդուրժում, ինչպես չտեսորեն չենք հանդուրժում, որ մեր երեխան նյութական առումով հետ ընկնի մյուսներից, նա պիտի ամեն ինչ ունենա, իր եսը հաստատի գազանային անհանդուրժողականությամբ, իր ճանապարհին տրորի ամեն ինչ, որ վերջում մի բանի հասնի: Որպես կանոն՝ գլամուրային չափանիշներով սիմետրիկ ու շպարված կերպարների կապկմամբ, կամ ծնողի նյութական կարողությամբ հոգու մերկությունը ծածկելով: Ու սերունդների «ստանդարտիզացիան» ներկայում գայթակղիչ հնարքներով իրենց ուսերին են վերցրել հեռուստատեսությունն ու շոուբիզնեսը, ակումբներն ու օտարածին խրախճանքները: