Չէ, բայց անկախ

մինուս 14-ից, որ հենց հիմա է, գարունը կարծես թե գալիս է:) Լույսը քեզնից շուտ է զարթնում:)

Հիշեցում, ով գիշերը չի տեսել:

Ու ևս մի կարծիք "Հովիվը" ֆիլմի մասին: Առավոտյան սուրճին հետ մը ընթերցելու համար:)

• Պետք էր իսպառ հարբել ու հիմնովին անջատել երեւակայությունը` մարդկային մեղսավոր վավաշոտությունն այդ աստիճան անճաշակ ու էժանանոց էպիզոդներով ներկայացնելու համար: Բա աղավնիների կրկեսային աճպարարությո~ւնը: Լավ, բա Նարեկա գյուղի  կողմերում մի մասրենի չկա՞ր, որ դրա ճյուղերից խորովածի շիշ սարքեին: Լավ, բա ֆիլմ նկարելու էդ "սուղ"միջոցների ցանկում "տապակած 2 թռչուն` սուպերմարկետից"  տող չկա՞ր: Մեկ էլ շատ տպավորվեց գեղջավագի (կարդալ` գյուղապետ) կերպարը, որ ճիշտ եւ ճիշտ ԱԺ պատգամավոր էր, եթե ազգագրական երգուպարի համույթից փոխ առած, լավ արդուկած հագուստը մի հրաշքով փոխեր թանկանոց կոստյումի հետ: Մանավանդ "հայվան" բառն էլ կարծես կարողանում էր արտասանել: Ամենից շատ ցավեցրեց նույն գեղջավագի վավաշոտ հայացքը սեփական հարսի հետեւից, որ այլ բան չէր, քան սերիալային մտածողության հստակ էկրանավորում եւ բարոյական արժեհամակարգի հերթական "պայթեցում": Ու սրա՞նք պետք է տեղ գտնեին Գրիգոր Նարեկացու մասին պատմող թեկուզ խաղարկային ֆիլմում: