Չնայած ես ծխող չեմ,

բայց գոնե կես ժամ քաղաքի կենտրոնում զբոսնելու ու աշնան երեկոն վայելելու հաճույքից զրկվելով, ես հասկացա, որ LM-ը կրկին դառնում է ակտուալ:

Նաև հասկացա, թե ինչքան մեղք են շրջակա շենքերի բնակիչները, ինչքան մեղք են ոստիկանները, որոնք ստիպված կանգնած են էդ լաչառության ու համատարած խրախճանքի մեջ:

Հասկացա նաև, որ շուտով անցնող-դարձողների մոտ ատելություն կառաջանա քոչարիի ու այլ ազգային պարեղանակների հանդեպ:

Ու նկատեցի մի խնդալու ու շատ տիպիկ մանրուք. ազգային ազատագրական երգերի արանքում չգիտես ինչի ծիտիկների ծլվլոցներ են միանում: Մի կողմից մասսային էլի ձեռ են առնում ու գժի տեղ են դրել, մյուս կողմից էլ հայտնի ասոցիացիան, հիմնականում մուլտերից, որ մեկի գլխին ուժեղ խփում են, նրա աչքերի առաջ ու գլխի մեջ ծիտիկներ ծլվլում: Հիմա նայած ով ինչքանն իր վրա կվերցնի...