«Չենք լռելու, որ մեր տղերքը ծառայեն հանգիստ» - ՊԱՀ!!

«Հայկական բանակում վերջին շրջանում տեղի ունեցած և ջրի երես դուրս եկած դեպքերը ցնցեցին հասարակությունը և ակնհայտ դարձրին զինված ուժերում հասարակական վերահսկողության գործուն մոդելի ստեղծման անհրաժեշտությունը»,- նշվում է «Չենք լռելու» երիտասարդական նախաձեռնության տարածած հաղորդագրությունում։

Նախաձեռնությունն առաջարկում է անխտիր բոլոր զորամասերում սահմանել մշտական սկզբունքով գործող հասարակական վերահսկողություն` կազմված զորամասի տեղակայման տարածաշրջանում բնակվող բարձր հեղինակություն վայելող մարդկանցից:

«Նախօրեին «Չենք լռելու»-ի հիմնադիր խմբի անդամները խնդրել են ՊՆ մամուլի քարտուղար Դավիթ Կարապետյանին` փոխանցել նախարար Սեյրան Օհանյանին հանդիպելու իրենց ցանկությունը:

Չենք լռելու, որ մեր տղերքը ծառայեն հանգիստ»,- ասվում է հաղորդագրությունում:


Էդ «ձեր» տղերքը որ ծառայում են, դուք ինչի՞ եք տներում կոմպերի դեմը նստած ֆեյսբուք-ֆեյսբուք խաղում։

Երկրորդ պարբերությունը լրիվ սպանում է՝ ոչ ուզում են ծառայեն, ոչ էլ անգամ ուզում են անձամբ իրենց «առաջարկած» վերահսկողությունն անցկացնեն։ «Ճառ ասե՞մ, թե՞ զանգ կախեմ» սկզբունքով։ «Բարձր հեղինակություն վայելող մարդկանց»․․․ էդ ո՞վ մնաց իրենց համար բարձր հեղինակություն։ Կուզեի մեկ-երկու մարդու անուն տային, տեսնեի էդ ում են ուզում գործի դնեն․․․․

Որոշեցի ես էլ հանդես գամ առաջարկությամբ ՊՆ Սեյրան Օհանյանին՝ էդ չլռողներին քանի մի տեղ հավաքված կլինեն, վերցնել ու տանել ծառայության։ Բալքիմ, երկու տարի պետքական գործ անելուց հետո, մի քիչ էլ լռել սովորեն, թե չէ հոգնեցի դրանց չլռելուց հանած ժխորից․․․