Հարցում բանկային ծառայությունների մասին

Ժողովու՛րդ ջան, բանկային ծառայություններից օգտվողների համար հարցում է անցկացվում։ Ինքս միշտ ալարում եմ նման բաների մասնակցել, բայց էս դեպքում մասնակցեցի ու խնդրում եմ ձեզ էլ, եթե համապատասխանում եք ներքևում նշված պայմաններին, պատասխանել հարցմանը։

Ինչի եմ խնդրում՝ վերջում պարգևատրում կա՝ նշում եք ձեր բջջայինի համարը, որին փոխանցվում է 630 դրամ։ Բայց, եկանք ամենակարևոր մասին, պարգևատրման տարբերակների մեջ կա նաև գումարը փոխանցել «Հայ Ձմեռ պապ» բարեգործական հիմնադրամին։ Փոխանցված գումարները հիմնադրամը պատրաստվում է ներդնել հաշմանդամ ազատամարտիկ Միշա Եգանյանի տան տանիքի կառուցման աշխատանքներում։

Սա էլ ֆիլմը

Քանի որ մեծամասնությունն արդեն ծանոթ է Հայ ձմեռ պապի արած ու արվող աշխատանքներին, կարծում եմ, կհամաձայնի, որ արժե նրանց նվիրաբերել 20 րոպեն ու 630 դրամը:)

  Հարգելի մասնակից!

Հարցումն իրականացվում է այն սպառողների հետ, ովքեր`

    18-60 տարեկան են,
    ունեն 110 000 դրամ և ավելի միջին ամսական անձնական եկամուտ,
    օգտվում են բանկային ծառայություններից,
    ապրում են նշված բնակավայրերից որևէ մեկում. Երևան, Գյումրի, Վանաձոր, Կապան, Գորիս, Արմավիր, Սևան և Աբովյան:

         Եթե ձեր տվյալները բավարարում են այս պայմաններին, կարող եք սկսել հարցումը. www.mediaplan.am/bank

Եթե նշված պայմաններից որևէ մեկը չի համապատասխանում, հայցում ենք ձեր ներողամտությունը և ակնկալում ձեր մասնակցությունը մեր այլ հարցման:

Հարցման ավարտից հետո ուշադիր եղեք` ընտրելու համար պարգևատրման Ձեզ առավել հարմար տարբերակը`

    նշել բջջային հեռախոսահամար, որին կփոխանցվի 630 դրամ,

կամ Ձեզ հասանելիք պարգևավճարն ուղղել նշված բարեգործական նախաձեռնություններից որևէ մեկին.

    "Հայ Ձմեռ պապ" բարեգործական հիմնադրամին (www.haysanta.am),
    "Փրկենք կենդանիներին" հասարակական բարեգործական կազմակերպությանը(www.savetheanimals.am):

Դուք կարող եք նաև հրավերը փոխանցել ձեր ընկերներին և ծանոթներին, ուղարկելով նրանց հետևյալ հղումը`
www.mediaplan.am/bank

Ցանկացած հարցով, զանգեք (010) 21 76 21 հեռախոսահամարով: