ծպտեալ, բացահայտեալ, սակայն ոչ մկրտեալ...

Կարդում ենք մեղադրականը՝

• 1915 թ-ին բռնի իսլամացած երկու հայուհի և մեկ հայորդի ուզել են մկրտվել...

Յա քու... 15 թվից բռնի իսլամացած ու մինչև հիմա՝ 100 տարի անց, ջահել մնացած:

Հետո, որ անունը դնում եք ծպտյալ, բայց տենց բաց-բրախ բերում եք համահայկական խաղերի... գոնե ասեք՝ ծպտյալ, բայց մասնակիորեն բացահայտյալ... թե՞ ծպտյալը հարիֆ թուրքերի համար եք ասում, մնացածը՝ շուստռի հայության...

Բայց էս բոլորը մանրուքներ են:

Նայում ենք տեսանյութը ու:

Խնդիրներից ամենամեծն էն է, որ Հայ առաքելական եկեղեցում մկրտության հարցով դիմում են Հրանուշ Հակոբյանին: Տիեզերական հարցերով զբաղվում է, ՀՀ տնտեսական զարգացման հարցերում հավասարը չունի, բայց էս ամեն ինչը ի՞նչ, եթե Հրանուշ Հակոբյանն է օքեյ տալիս կնքվելու համար:
Մի հատ «պռոբլեմչունես» վերտառությամբ սերտիֆիկատ է տալիս բոլոր ուզողների ձեռքը ու ղրկում՝ հայդե հայանալու, որ հետո 1000 դոլարը պահեն ՀՀ բանկերում, հետո էլ քան դունգան տուն ու շենացնեն երկիր հայրենին, հետո էլ թռնեն տիեզերք՝ նոր հորիզոններ գրավե...ազատագրելու:

Այսինքն, ոնց որ միշտ գործ ունենք կոմպետենտության բացարձակ բացակայության հետ:

Ու ջա՛ն լրագրողներ, Հացպանյանը հանձնարարեց՝ պարզեք լրագրողներ, լրագրողներն էլ բնականաբար ոչ թե խորքը մտան խնդրի, այլ սկսեցին Էջմիածնին «թափ տալ», քանզի էդի լայքահավաք գորձ ա:

Թե ինչ քաղցր կուտ է ծպտյալ հայերի թեման, որոնց թիվը տարեցտարի աճում է չեմհիշումոր պրոգրեսիայով, նորություն չի: Շուտով մեզ հացպանյաններն ու էրդալենք ավետիս պիտի տային, որ ծպտյալ հայերը ծպտորեն զենք են ձեռք բերել, կազմ ու պատրաստ սպասում են, որ ստեղից մըդնինք Սասուն, հասնինք Վան ու ՄուշԱլաշկերտԱրդահան հռչակենք ՀՀ տարածք... Բայց ստեղ խանգարեց մկրտության հարցը, այսինքն՝ դրանում նրանց մերժվելը...  Հա, դե մենք երբ ենք քյար ունեցել քրիստոնեությունից, որ հմի ունենայինք և այլն և այլն (էս ամենը պիտի գրվեր լատինա ու մեծատառ, ներող)

Ու մի հատ էլ լացելու փաստ, բայց մերկ, տկլոր, ես կասեի՝ տկլորագույնս փաստ, որ բոլորս հստակ գիտենք, ուղղակի նավսյակի չիմանալու ենք տալիս՝ Հայ առաքելական եկեղեցին՝ ի դեմս Մայր Աթոռի, շատ ավելի լուրջ ու պետական մտածողություն ունի, քան էսօր գործող հայտնի ցանկացած կուսակցություն՝ լինի հնչակ, լինի դաշնակ, լինի մեղայ-մեղայ օեկ...թե ռամկավար ու հհկավար...

Ու մեռնեմ ես իմ հայ առաքելական եկեղեցու ջանին: Լավ են արել, որ չեն մկրտել: Դուրներդ չի գալիս, գնացեք դառեք բողոքական: էդ հարանվանությունն իսկական ձեզ համար է՝ ոնց ուզեք վրաներդ կնստի, կուզեք թարս կհագնեք, կուզեք՝ հետևն առաջ, չեք ուզի՝ չեք հագնի, բայց էլի դուք սուրբ կլինեք ու հավիտյանս փըրգըված:

Էսքան բան: