Article 0

Նորություն չի, որ religions.am կայքը ընդհանրապես, որը ֆինանսավորվում է Սորոս պապիկի կողմից, և  Ըստեփանոս Դանիելյանը (դեպրեսիվ ու աղանդավոր-առաքելական) հատկապես, որը բնականաբար ֆինանսավորվում է նույն պապիկի կողմից, մարտնչում են Հայ առաքելական եկեղեցու դեմ: 

Ամեն մարդ իր կյանքի նպատակը մի ձևով գտնում է: Մեկի կյանքի նպատակը երեսփոխան դառնալն է, մյուսինը՝ մենեջեր, երրորդինը՝ երգիչ, չորրորդինը՝ լոտոյով հարստանալն է, և այլն... Հիմա էս մարդն էլ էս կարգի նպատակ է դրել իր առաջ՝ վարկաբեկել ՀԱԵ-ն, ամեն ինչ անել, որ աղանդները վխտան, պետության դիրքերը թուլանան, և այլն, և այլն: Աստված իր հետ ու իր խղճի: 

Բայց Ըստեփանոսն որպես մարտնչելու միջոց ընտրել է ծիծաղելի ձև՝ գտնել, պեղել, փոշին վրաներից փչել ու մարդամեջ հանել ամեն տեսակի աբիժնիկների ու... խաչագող կեղծարարների: 



Ուրեմն ինչ է արել Ըստեփանոսն: 
Գտել է ոմն Գենադի Մնացականյանի, որը նախկինում ձեռնադրվել է քահանա, սակայն կարգալույծ է արվել հետևյալ պատճառով՝

"Գենադին կարգալույծ է հռչակվել 1994թ. Թորգոմ արք. Մանուկյանի տեղապահության ժամանակ: Պատճառը` ձեռնադրությունի ց հետո արգելված է ամուսնությունը: Քահանա դառնալու համար պարտադիր պայման է նախապես ամուսնացած լինելը: Նա ստել է, եւ ասել, որ ամուսնացած է, ձեռնադրվել է: Նա կարող էր սպասել, ամուսնանար, եւ ապա նոր ձեռնադրվեր, կամ էլ վանականություն ընդուներ: Ի դեպ, նաեւ կարգալուծությու նից հետո նա կարող էր որպես աշխարհական նպաստավոր գործեր աներ, եւ մի գուցէ արժանանար ներման: Սակայն սխալը սխալի հետեւից գործեց:"

Այս ոմն Գենադին հոդված է գրում, որտեղ լուսապայծառ մտքեր է արտահայտում (հիմա կտամ հղումը գոհարների), բայց էականը իր գրած հոդվածի բովանդակությունը չէ, այլ էն, որ նա ներկայանում է որպես "Տեր Մանուկ քահանա" Մնացականյան, իսկ փակագծերում գրում՝ Գենադի Մնացականյան:

Այն բանից հետո, երբ մեկնաբանություններում մեկը կասկած է հայտնում, թե ինչի՞ պիտի ձեռնադրված քահանան նշի իր աշխարհիկ անունը, հաստատ մի բան էն չի, անհետանում է փակագծերի մեջի աշխարհիկ անունը, և մնում է "տեր Մանուկը": 
 
Ավելին, քահանաները սովորաբար նշում են իրենց ծառայած եկեղեցու անունը, ինչ-որ հազվադեպ ես հանդիպում "տեր էսինչ", տակն էլ աստվածաբան: 

Անուն-ազգանունը վերանալուց հետո համենայն դեպս որոշեցի պահել գոնե էս տարբերակը, ո՞վ գիտի, գուցե դեռ էլի մտքափոխ լինի Գենադին ու նոր խմբագրումներ տեղի ունենան յուր տիտղոսների մեջ: Պատմությանը պետք կարող է գալ



Այնուհետև մեկնաբանություններում տեսնում ենք ուրիշ հետաքրքիր մանրամասն Գենադու մասին: Ինչով է նա զբաղվում ներկայումս: Հուզիչ է, ինչ խոսք.

Մհեր անունով մեկը պարզվում է ճանաչում է սույն Գենադուն: Ասում է.

"Ես առիթ եմ ունեցել Տ. Մանուկ կոչվածին հանդիպելու թոխմախի գերեզմանը, ամառվա շոգին, համազգեստով կանգնած էր և ծես էր մուրում, հետո իմացա որ քահանա չէ, իրավունք չունի, բայց մարդկանց խաբելով ծես է անում ու փողն է ուզում...սա «բարոյական» կերպա՞ր է..." 

**************
Հիմա հարցս հռետորական է հավանաբար, երևի ես դրան պատասխան չստանամ, բայց կհարցնեմ.

Հարց. - Ըստեփանո՛ս Դանիելյան, արդյո՞ք ձեր արածը վերին աստիճանի ոչ պրոֆեսիոնալիզմի դրսևորում չէ: Կեղծիքով ժողովրդավարությո՞ւն  եք փորձում կառուցել: Ո՞ւմ եք խաբում՝ ինքներդ ձե՞զ, Սորոս պապիկի՞ն, եվրաատյանների՞ն, ում համար այդքան տքնաջանում եք, թե՞ ձեզ վստահող ընթերցողներին: 

Եկեղեցին ատում եք, հասկացանք, իսկ ամոթի զգացողությո՞ւն էլ չկա ձեր օրգանիզմում: Ատելության թո՞ւյնը չի թողնում: 

Հա, հղումը: Հոդվածն էնքան անհեթեթ է, որ նախօրոք "կներեք" եմ ասում կարդացողներին: