Ժողովու՛րդ,

ձեզ մոտ անցե՞լ է զորահանդեսի էֆֆեկտը։ Ես դեռ դրա ազդեցության տակ եմ:)))

**************
Երևի կողքից նայող անտեղյակ մարդը չհասկանա, թե էս հայերն ինչի են էսքան ոգևորված էս զորահանդեսով։

Քանի՜ դարվա պատմությունն էր խտացել էդ օրը մեր մեջ։ Ամեն ժեստը, ամեն խոսքը, ամեն զինվորի քայլքը, համազգեստի ամեն դետալը․․․ Քանի՜ դարի, քանի՜-քանի՜ սերունդների երազանքների, հույսերի ու սպասման  իրականացում կար դրա մեջ։

Ազատամարտի փառապանծ մարտիկներին ողջու՛յն․․․ արդեն սպիտակած մազերով․․․

***************
Հիմա նայում եմ։ Երկու օրվա մեջ 7000-ից ավել մարդ նայել է։)

Ինձ շատ դուր եկավ էն, որ ՀՀ նախագահի խոսքում ընդհանրապես Ադրբեջանի ու թշնամու մասին ոչ մի բան չասվեց։ Ակամայից հիշեցի, որ Ալիևի ամեն երկրորդ խոսքը Գարաբախ էր, երրորդը Ըրմենիստան։ Դեռ երկար են մղկտալու, ինչ խոսք:)

Հետո, տրիբունաներում շարված պետական այրերի դեմքերին նայելով կարելի էր հասկանալ՝ ում ինչին է էս զորահանդեսը ու ինչքան։ Չտամ անունները նրանց, բայց ասեմ, որ մի գրամ անգամ չեմ զարմացել, որ նախագահի դեմքին հպարտություն է․․․

Հա, էսօր էլ մի տաքսու գլխին անտենայի վրա ամրացրած փոքրիկ եռագույն էր:)