Չքավորության մասին

Մեկ-մեկ Երևանի ճոխության ու լույսերի մեջ կորած խանութներին ու բուրժուա կյանքի մյուս ատրիբուտներին խաբնվում ես, քեզ թվում է կյանքն ամեն տեղ էդպես է:

Երևի հիշում եք հոկտեմբերի վերջին ahousekeeper -ի հղումով, կարդացինք ազատամարտիկ Արմեն Ավետիսյանի մասին:

Էն, որ Արմեն Ավետիսյանը հերոս է, ճիշտ է, որ բազմազավակ ընտանիքի հայր է, էլի ճիշտ է, որ չքավորության մեջ են ապրում, էլի ճիշտ է: Բայց մի բան կար էդ նյութի մեջ, որ ճիշտ չէր՝ չստուգված էր, կիսատ իմացած, էական չի, էականն էն է, որ "Հայ ձմեռ պապ" ծրագիրն օգնում է նրանց ընտանիքին:

Վաղն ավելի մանրամասն կգրեմ օգնության մասին, բայց էսօր ուղղակի մի քանի նկար դնեմ:













Էն որ Հայաստանի ազգային հերոսն իր ընտանիքով նման պայմաններում է ապրում, չեմ ուզում ասել, որ միայն պետության մեղքն է, չնայած 99%ով հաստատ պետության մեղքն է: 
Ուղղակի մտածում եմ, որ ամեն մեկս էլ մեր փոքր բաժինը կունենանք սրա մեջ: Նման մարդիկ Հայաստանում շատ շատ են: Ավելի շատ ու ավելի թշվառ, քան մեր երևակայությունը կարող է նկարել մեզ համար: Հաստատ ամեն մեկս էլ ինչ-որ անպետք բան ժամանակ առ ժամանակ առնում ենք: Մենք իրար հետ կիսվելու սովորություն ու ցանկություն չունենք: 

...Էսօր ամբողջ օրը հոսանք չկար, ցուրտ էր, նեղվում էի, բայց հիմա մի տեսակ ամաչեցի: 

Վաղն էլի մանրամասներ կգրեմ "Հայ ձմեռ պապի" իրականացրած ծրագրերից, էսօր ուղղակի էս մի քանի նկարը:   

******
Նկարները տրամադրել են "Հայ ձմեռ պապից", որի համար շատ շնորհակալ եմ նրանցից: Նաև շատ շնորհակալ եմ իմ շատ լավ ընկեր Մարիից, որ ճանապարհը ցույց տվեց:)