անէսթետիկ թեմաներից

Արթուր Գրիգորյանն ու նուրբ հոտոտելիք ունեցող մնացած անձինք թող քթները փակեն, էլի պանրից եմ գրելու:

Ուրեմն, պարզվում է, որ ինչ-որ պետական փողերով աշխատող հանձնաժողով կա չգիտեմ էնտեղ աշխատող կանանց ծննդաբերությունից հետո ով է փող տալիս, որը պանրի թանկացման հարցով է սկսել զբաղվել: Շտապեմ հանգստացնել, էդ հանձնաժողովի՝ էս կամ էն հարցով հետաքրքրվելը դեռ չի նշանակում, որ անիմաստ բարձրացրած գները կիջնեն:

Ինչևէ: Ականջի պոչով լսեցի մի քանի հետաքրքիր փաստ՝

ա. պանիր արտադրողները իրենց պանիրների մեջ օգտագործում են կաթի փոշի և արգելված նյութեր (անունները չտվեցին, բայց ինձ թվում է, որ դրանք թանկ արժեն, հակառակ դեպքում ինչի՞ հաշվին թանկացավ պանիրը):
բ. Աշտարակ կաթը, որ շուկայի երեսուն տոկոսից ավելին է պահում, համարվում է գերիշխող պանրի շուկայում
գ. հեքիաթները, թե կաթը թանկացրել են, ոչ միայն սուտ էին, այլև տես՝ կետ "ա":

Հիմա մտածում եմ, գոնե էդ թունավոր պանիրների նոու-հաուն բացեին, ինչքան կաթի փոշի, ինչքան արգելված նյութ, ինչքան թույն, ինչքան աղ... առնեինք, ինքներս խառնեինք, ուտեինք, գոնե մի քիչ էժանով թունավորվեինք... 

եսիմ