Ինտելեկտուալ սուրճըմպում

Ո՞վ ասաց, որ աղջիկներով որ հավաքվում են, անպայման բամբասում են, սրանից-նրանից են խոսում:

Հը-ը: Կա, որ հավաքվում են ու լրջագույնս վերլուծում են Բուլգակովի «Վարպետն ու Մարգարիտան»: Ասում եմ լրջագույնս՝ կրոնա-փիլիսոփայական տեսանկյունից՝ ներառյալ հավատքի տեսակներն ու ուղղությունները, հարանվանությունները-բաները, դարաշրջանի ու գործող անձանց նախատիպերի տեսանկյունից, լեզվի ու գրողի ոճից և այլն:

Ու ստացվում է խորը ինտելեկտուալ, հետաքրքիր ու ահավոր դրական սուրճըմպում, որին չեն խանգարում անգամ մատուցողների դոշներին զարկած անմոռուկները կամ ասենք Երևանի վատ եղանակը ու կյանքի այլ հանգամանքներ:

Մի խոսքով, աղջիկնե՛ր, լավ էր:) Ապրե՛ք :)